Gr 10 Hfst 8 - Aankope of Verkrygingsbestuur

Die departement wat verantwoordelik is vir die aankoop van alle goedere en dienste wat deur al die departemente in die besigheid benodig word. [p. 80]

Goedere wat gekoop word om die daaglikse aktiwiteite van die besigheid uit te voer, bv. rekenaars of skryfbehoeftes vir die kantoor. [p. 80]

Goedere wat gekoop word met die spesifieke doel om dit teen 'n wins weer aan die finale verbruiker te verkoop, soos voorraad by Pick n Pay. [p. 80]

Goedere en grondstowwe wat gekoop word om gedurende die produksieproses in klaarprodukte omskep te word. [p. 80]

Masjinerie, toerusting of voertuie wat tydens die produksieproses gebruik word en mettertyd weens slytasie depresieer. [p. 80, 85]

Die riglyne wat die aankoopdepartement moet volg om te verseker dat die regte verskaffer, kwaliteit, hoeveelheid, tyd, plek en die beste prys verkry word. [p. 80]

Die stapsgewyse sirkulêre proses wat die aankoopfunksie volg om goedere te verkry, vanaf die identifisering van behoeftes tot die stuur van voorraad na die pakhuis. [p. 81]

Die evaluering van potensiële verskaffers op grond van prys, kapasiteit, ondersteuning, arbeid, reputasie en aflewering. [p. 81]

'n Vermindering in prys wat toegestaan word wanneer die koper dadelik kontant betaal of sy rekening baie vroegtydig vereffen. [p. 82]

'n Afslag wat verband hou met seisoenale skommelinge, soos landbouprodukte wat goedkoper is in die hoogseisoen of goedere wat net voor die einde van die seisoen verkoop word. [p. 82]

'n Afslag op die gelyste verkoopprys wat gebaseer word op die spesifieke verhouding en die lojaliteitsfaktor tussen twee besighede. [p. 82]

Elektroniese stelsel (Electronic Point of Sale Scanning Equipment) wat voorraadkontrole outomatiseer deur items te skandeer en vlakke aan te pas by verkope. [p. 83]

'n Dokument wat deur die verskaffer uitgereik word om te kontroleer of die hoeveelheid goedere wat afgelaai word, ooreenstem met die bestelling. [p. 83]

'n Dokument wat die pakhuisklerk invul om die aankoopdepartement in kennis te stel dat die afgelewerde goedere in 'n goeie toestand ontvang is. [p. 83]

Die proses om te verseker dat daar te alle tye genoegsame voorraad veilig bewaar en beskikbaar is wanneer dit in die besigheid benodig word. [p. 84]

Die bewaring van hulpbronne in pakhuise om as 'n buffervoorraad te dien teen onverwagte vertragings of noodgevalle. [p. 85]

'n Bergingstegniek waar verskillende goedere van verskeie verskaffers na 'n sentrale pakhuis geneem word om as gekombineerde eenhede na winkels versprei te word. [p. 85]

Die pakhuisproses waar groot volumes voorraad teen 'n lae prys gekoop word, opgebreek word in kleiner eenhede, en in verskillende kombinasies herverpak word. [p. 85]

'n Bergingstegniek waar produkte eers finaal geëtiketseer, verpak of saamgestel word wanneer die spesifieke kliëntebestellings reeds ontvang is. [p. 85]

Onverwerkte produkte wat direk uit die primêre sektor ontgin word (soos tuna, sonneblomme of rou hout) om in produksie gebruik te word. [p. 85]

Produkte wat reeds gedeeltelik geprosesseer is, maar nog nie gereed is vir finale verbruik of verkoop nie, soos stompe hout. [p. 85]

Volledig verwerkte goedere wat gereed is om deur die eindverbruiker gekoop of gebruik te word, soos 'n skooluniform of meubels. [p. 85]

Voorraad soos vars vleis, suiwel of vrugte wat maklik sleg word en spesiale verkoelingsfasiliteite benodig om hul gehalte te behou. [p. 85]

Die presiese hoeveelheid van 'n spesifieke voorraaditem wat gereeld bestel moet word om die laagste moontlike totale koste per eenheid te verseker. [p. 85]

Die kostevoordele (soos laer eenheidskoste of grootmaatafslag) wat 'n besigheid verkry as gevolg van die groot skaal of volume van sy aankope of produksie. [p. 86]

'n Situasie waar die buitensporige grootte of volume van 'n besigheid se bedrywighede lei tot 'n daling in doeltreffendheid en 'n styging in eenheidskoste. [p. 86]

Die "Net-in-Tyd" (Just In Time) stelsel waar voorraad eers bestel en ontvang word wanneer dit fisies in die produksieproses benodig word om bergingskoste te vermy. [p. 86]